قراء الشباب فى فيللا تامر حسنى

ننتهي‏ ‏من‏ ‏فرز‏ ‏نتائج‏ ‏استفتاء‏ ‏الشباب‏ ‏لهذا‏ ‏العام‏ ‏ونتأكد‏ ‏من‏ ‏فوز‏ ‏تامر‏ ‏حسني‏ ‏بلقب‏ ‏أحسن‏ ‏مطرب‏ ‏فأتصل‏ ‏به‏ ‏تليفونيا‏..‏
ــ‏ ‏الو‏ ‏يا‏ ‏تامر‏.. ‏انا‏ ‏شريف‏ ‏بديع‏ ‏من‏ ‏مجلة‏ ‏الشباب‏ ‏مبروك‏ ‏انت‏ ‏فزت‏ ‏بلقب‏ ‏أحسن‏ ‏مطرب‏ ‏في‏ 2007 ‏في‏ ‏استفتاء‏ ‏المجلة
ــ‏ ‏بجد‏.. ‏ده‏ ‏خبر‏ ‏سعيد‏ ‏جدا‏.‏
ــ‏ ‏طيب‏ ‏عايزين‏ ‏نحتفل‏ ‏معاك‏ ‏بيه‏ ‏وبرأس‏ ‏السنة‏..‏
ــ‏ ‏أنا‏ ‏حابب‏ ‏يكون‏ ‏الاحتفال‏ ‏مع‏ ‏القراء‏ ‏اللي‏ ‏اختاروني‏ ..‏أنا‏ ‏مستنيكم‏ ‏في‏ ‏البيت‏ ‏بعد‏ ‏بكره‏ ‏تشرفوني‏..‏




أمام‏ ‏باب‏ ‏فيلا‏ ‏تامر‏ ‏في‏ ‏الرحاب‏ ‏والفيلا‏ ‏عبارة‏ ‏عن‏ ‏مبني‏ ‏من‏ ‏ثلاثة‏ ‏طوابق‏ .. ‏ملحق‏ ‏بها‏ ‏حديقة‏ ‏صغيرة‏ .. ‏نرن‏ ‏الجرس
وتامر‏ ‏يفتح‏ ‏الباب‏..‏
المجموعة‏: ‏تامر‏ ..‏باين‏ ‏عليك‏ ‏لسه‏ ‏صاحي‏.. ‏إنت‏ ‏كل‏ ‏يوم‏ ‏بتصحي‏ ‏في‏ ‏هذا‏ ‏الموعد
ــ‏ ‏لا‏ ‏أبدا‏ ‏ولكن‏ ‏امبارح‏ ‏كان‏ ‏عندي‏ ‏تسجيل‏ ‏في‏ ‏الاستوديو‏ ‏بدأ‏ ‏في‏ ‏الواحدة‏ ‏بعد‏ ‏منتصف‏ ‏الليل‏!! ‏تفضلوا‏...‏
‏( ‏ندخل‏ ‏الي‏ ‏الصالة‏ .. ‏الدور‏ ‏الأول‏ ‏به‏ ‏ركن‏ ‏للسفرة‏ ‏علي‏ ‏الجانب‏ ‏الأيمن‏ ‏بينما‏ ‏الجانب‏ ‏الأيسر‏ ‏مقسوم‏ ‏نصفين‏ ‏الأول‏ ‏به‏ ‏الصالون‏ ‏والثاني‏ ‏به‏ ‏أنتريه‏ ‏أخضر‏ ‏وفي‏ ‏الأمام‏ ‏يوجد‏ ‏تليفزيون‏ ‏كبير‏ ‏مفتوح‏ ‏علي‏ ‏قناة‏ ' ‏مزيكا‏ ' ‏وفي‏ ‏الفاصل‏ ‏بين‏ ‏القسمين‏ ‏يوجد‏ ‏دولاب‏ ‏الجوائز‏ ‏وعلي‏ ‏الجدران‏ ‏توزعت‏ ‏بوسترات‏ ‏كبيرة‏ ‏لتامر‏ ‏حتي‏ ‏كادت‏ ‏تغطي‏ ‏الحوائط‏... ‏في‏ ‏نهاية‏ ‏الطابق‏ ‏الأول‏ ‏من‏ ‏الفيلا‏ ‏يوجد‏ ‏حمام‏ ‏صغير‏ ‏ومطبخ‏..‏
ــ‏ ‏هو‏ ‏إنت‏ ‏بتقضي‏ ‏يومك‏ ‏إزاي
ــ‏ ‏عادة‏ ‏اصحي‏ 10 ‏صباحا‏ ‏وألعب‏ ‏رياضة‏ ‏علي‏ ‏أجهزة‏ ‏بسيطة‏ ‏عندي‏ ‏وممكن‏ ‏ألعب‏ ‏كرة‏ ‏شوية‏ ‏وبعدها‏ ‏يبدأ‏ ‏العمل‏ ‏وأنا‏ ‏معنديش‏ ‏أي‏ ‏وقت‏ ‏فراغ‏ ‏فكل‏ ‏وقت‏ ‏أستغله‏ ‏في‏ ‏التأليف‏ ‏أو‏ ‏التلحين‏ ‏والتحضير‏ ‏للفيلم‏ ‏الجديد‏ ‏وأخصص‏ ‏يوما‏ ‏في‏ ‏الأسبوع‏ ‏أتفرغ‏ ‏فيه‏ ‏من‏ ‏كل‏ ‏شيء‏ ‏لأجلس‏ ‏مع‏ ‏عائلتي‏... ‏إنتم‏ ‏لسه‏ ‏واقفين‏ ‏ليه‏! ‏اتفضلوا‏..‏




في‏ ‏الأنتريه‏ ‏يجلس‏ ‏تامر‏ ‏علي‏ ‏الكنبة‏ ‏وبينما‏ ‏نستعد‏ ‏للجلوس‏ ‏يرن‏ ‏جرس‏ ‏الباب‏ ‏لتدخل‏ ' ‏جيجي‏ ' ‏بنت‏ ‏عمه‏ ‏فتسلم‏ ‏علينا‏ ‏وبعدها‏ ‏تجلس‏ ‏بجواره‏ ‏والقراء‏ ‏ملتفون‏ ‏حوله‏ ‏حتي‏ ‏أن‏ ‏منهم‏ ‏من‏ ‏جلس‏ ‏فوق‏ ‏شلته‏ ‏علي‏ ‏الارض‏ ‏فقط‏ ‏ليكون‏ ‏بالقرب‏ ‏من‏ ‏تامر‏!!‏
ــ‏ ‏ما‏ ‏هي‏ ‏أسوأ‏ ‏عادة‏ ‏عندك
ــ‏ ‏إني‏ ‏تقريبا‏ ‏مبنمش‏.. ‏عندي‏ ‏أرق‏ ‏لا‏ ‏يمكن‏ ‏أن‏ ‏يكون‏ ‏موجودا‏ ‏عند‏ ‏غيري‏ ‏والسبب‏ ‏في‏ ‏ذلك‏ ‏كثرة‏ ‏اهتماماتي‏ ‏فلو‏ ‏كنت‏ ‏بغني‏ ‏فقط‏ ‏كان‏ ‏الغناء‏ ‏سيشغل‏ ‏نصف‏ ‏يومي‏ ‏ولكني‏ ‏أغني‏ ‏وأمثل‏ ‏وألحن‏ ‏وأكتب‏ ‏أشعارا‏ ‏وأؤلف‏ ‏قصصا‏ ‏فأحتاج‏ ‏يوما‏ ‏علي‏ ‏يومي‏ ‏لأنهي‏ ‏ما‏ ‏عندي‏!!‏
‏( ‏يظهر‏ ‏علي‏ ‏شريط‏ ‏الأخبار‏ ‏في‏ ‏التليفزيون‏ ‏خبر‏ ‏عن‏ ‏بدء‏ ‏إعداد‏ ‏تامر‏ ‏لفيلمه‏ ‏الجديد‏)‏
ــ‏ ‏هل‏ ‏هذا‏ ‏الخبر‏ ‏صحيح
ــ‏ ‏نعم‏ ‏الآن‏ ‏نعقد‏ ‏جلسات‏ ‏العمل‏ ‏وهو‏ ‏من‏ ‏إخراج‏ ‏نصر‏ ‏محروس‏ ‏وتأليف‏ ‏أحمد‏ ‏عبد‏ ‏الفتاح‏ ‏وبطولة‏ ‏مي‏ ‏عز‏ ‏الدين‏.‏
ــ‏ ‏مي‏ ‏تاني‏.. ‏طيب‏ ‏ليه
‏ ‏ــ‏ ‏بيني‏ ‏وبين‏ ‏مي‏ ‏كيمياء‏ ‏في‏ ‏الشغل‏.. ‏و‏ ‏مي‏ ‏مش‏ ‏بتهزر‏ ‏في‏ ‏الشغل‏.. ‏يعني‏ ‏لو‏ ‏هتمثل‏ ‏مشهد‏ ‏تبكي‏ ‏فيه‏ ‏بحس‏ ‏يومها‏ ‏إني‏ ‏فعلا‏ ‏ظالمها‏ ‏وترفض‏ ‏أن‏ ‏تكلمني‏ ‏طوال‏ ‏اليوم‏.. ‏معندهاش‏ ‏هزار‏!!‏
ــ‏ ‏سمعنا‏ ‏أنك‏ ‏ذهبت‏ ‏لوالدتها‏ ‏وتقدمت‏ ‏لها
ــ‏ ‏طيب‏ ‏وبعدين‏ ‏إيه‏ ‏اللي‏ ‏حصل
ــ‏ ‏رفضتك‏.‏
ــ‏ ‏بجد‏.. ‏أنا‏ ‏أول‏ ‏مرة‏ ‏أسمع‏ ‏الموضوع‏ ‏ده‏.. ‏زعلتوني‏!! ‏بقولكم‏ ‏إيه‏: ‏إنتم‏ ‏مجعتوش‏.. ‏ده‏ ‏أنا‏ ‏ناوي‏ ‏أطبخلكم‏ ‏النهارده‏ ‏بنفسي‏!!‏
ــ‏ ‏واو‏ ‏إنت‏ ‏بتعرف‏ ‏تطبخ
ــ‏ ‏طبعا‏.. ‏هتشوفوا‏ ‏دلوقتي‏...‏





تامر‏ ‏يحمل‏ ‏طشت‏ ‏موضوع‏ ‏فوق‏ ‏الغسالة‏ ‏به‏ ‏ملابسه‏ ‏المعدة‏ ‏للغسيل‏ ‏ليضعها‏ ‏بعيدا‏ ‏عن‏ ‏الكاميرا‏...‏
ــ‏ ‏عايز‏ ‏أفاجئكم‏ ‏بشيء‏ ‏مهم‏ ‏جدا‏.. ‏أنا‏ ‏كل‏ ‏محاولاتي‏ ‏في‏ ‏المطبخ‏ ‏فاشلة‏ ‏وأخري‏ ‏أعمل‏ ‏شاي‏ ‏ولكن‏ ‏النهارده‏ ‏علشانكم‏ ‏هحاول‏ ‏أعمل‏ ‏مكرونة‏.. ‏بس‏ ‏هم‏ ‏بيشيلوا‏ ‏الحاجات‏ ‏دي‏ ‏فين‏!!‏
ــ‏ ‏بص‏ ‏ممكن‏ ‏في‏ ‏النملية‏.. ‏مين‏ ‏بيطبخلك
ــ‏ ‏والدتي‏ ‏ربنا‏ ‏يخليهالي‏.‏
ــ‏ ‏أكتر‏ ‏أكلة‏ ‏بتحبها‏ ‏إيه
ــ‏ ‏الملوخية‏... ‏الكل‏ ‏يشتغل‏ ‏معايا‏.. ‏متقلقوش‏ ‏هتاكلوا‏ ‏أجمل‏ ‏مكرونة‏!!‏
‏( ‏ننتهي‏ ‏من‏ ‏إعداد‏ ‏المكرونة‏ ‏ويمسك‏ ‏تامر‏ ‏مغرفة‏ ‏ليضع‏ ‏بها‏ ‏المكرونة‏ ‏في‏ ‏الأطباق‏ ‏فتشير‏ ‏له‏ ‏إحدي‏ ‏الفتيات‏ ‏أن‏ ‏هذه‏ ‏المغرفة‏ ‏للتعامل‏ ‏مع‏ ‏الزيت‏ ‏وتعطيه‏ ‏المغرفة‏ ‏الصحيحة‏!! )‏




القراء‏ ‏يلتفون‏ ‏حول‏ ‏تامر‏ ‏بينما‏ ‏الكل‏ ‏ينتظر‏ ‏دوره‏ ‏في‏ ‏المكرونة‏ ..‏
ــ‏ ‏ايه‏ ‏المكرونة‏ ‏مش‏ ‏عاجباكم‏ ‏لا‏ ‏دي‏ ‏لازم‏ ‏تعجبكم‏!!‏
ــ‏ ‏طبعا‏ ‏طبعا‏ ‏حلوة‏.. ‏بس‏ ‏إيه‏ ‏رأيك‏ ‏نطلب‏ ‏دليفري
ــ‏ ‏كده‏ ‏طيب‏ ‏ماشي
‏( ‏يطلب‏ ‏تامر‏ ‏من‏ ‏مساعده‏ ‏أن‏ ‏يذهب‏ ‏لشراء‏ ‏بديل‏ ‏للمكرونة‏ ‏بينما‏ ‏ننتقل‏ ‏لنجلس‏ ‏في‏ ‏الأنتريه‏ ‏في‏ ‏انتظاره‏ )‏
ــ‏ ‏هل‏ ‏تضايقت‏ ‏من‏ ‏ظهور‏ ‏تامر‏ ‏سمير‏ ‏وما‏ ‏رأيك‏ ‏في‏ ‏ظاهرة‏ ‏استنساخ‏ ‏المطربين
ــ‏ ‏لا‏ ‏أبدا‏.. ‏ربنا‏ ‏يهنيه‏ ‏وعموما‏ ‏فأي‏ ‏مطرب‏ ‏ناشئ‏ ‏يكون‏ ‏عنده‏ ‏مطرب‏ ‏يتأثر‏ ‏به‏ ‏غصب‏ ‏عنه‏ ‏وهذا‏ ‏مش‏ ‏عيب‏.. ‏العيب‏ ‏أنك‏ ‏تشعر‏ ‏أنك‏ ‏هو‏ ‏بنفس‏ ‏كلامه‏ ‏وطريقته‏ ‏وتتخيل‏ ‏أنك‏ ‏كده‏ ‏هتاخد‏ ‏نفس‏ ‏جماهيريته‏ ‏وهذا‏ ‏مش‏ ‏ممكن‏ ‏لأن‏ ‏الجمهور‏ ‏شافني‏ ‏وأنا‏ ‏في‏ ‏بداياتي‏ ‏وعايش‏ ‏معاناتي‏ ‏وتعبي‏ ‏حتي‏ ‏وصلت‏ ‏لما‏ ‏أنا‏ ‏فيه‏ ‏والجمهور‏ ‏مش‏ ‏ندل‏!! ‏فجأة‏ ‏يطلع‏ ‏واحد‏ ‏شبه‏ ‏نجم‏ ‏فنسيب‏ ‏النجم‏ ‏ونروحله‏.‏



نفرغ‏ ‏السفرة‏ ‏من‏ ‏كل‏ ‏ما‏ ‏عليها‏ ‏ليبدأ‏ ‏تامر‏ ‏والقراء‏ ‏في‏ ‏تركيب‏ ‏شجرة‏ ‏عيد‏ ‏الميلاد‏ ‏ووضع‏ ‏الزينة‏ ‏عليها‏ ‏ويتبادلوا‏ ‏الكلام‏ ‏في‏ ‏نفس‏ ‏الوقت‏..‏
ــ‏ ‏ابتسموا‏ ‏يا‏ ‏جماعة‏ ‏إحنا‏ ‏بنعمل‏ ‏حاجة‏ ‏حلوة‏ ‏وكلنا‏ ‏عايزين‏ ‏ننبسط‏.‏
ــ‏ ‏إحنا‏ ‏فعلا‏ ‏مبسوطين‏ .. ‏كفاية‏ ‏إننا‏ ‏معاك‏!!‏
ــ‏ ‏يا‏ ‏بنات‏ ‏أكيد‏ ‏إنتم‏ ‏أكثر‏ ‏من‏ ‏يفهم‏ ‏في‏ ‏الذوق‏.. ‏ساعدوني‏ ‏في‏ ‏تزيين‏ ‏الشجرة‏.. ‏عايز‏ ‏بلونة‏ ‏أنفخها‏.‏
ــ‏ ‏إنت‏ ‏بتدخن‏ ‏يا‏ ‏تامر‏.‏
ــ‏ ‏أبدا‏ ‏عمري‏ ‏ما‏ ‏شربت‏ ‏سيجارة




يتم‏ ‏تحريك‏ ‏كل‏ ‏محتويات‏ ‏الصالة‏ ‏فنحمل‏ ‏المائدة‏ ‏لنضعها‏ ‏ملاصقة‏ ‏للحائط‏ ‏ونحرك‏ ‏نباتات‏ ‏الظل‏ ‏لنضعها‏ ‏في‏ ‏الركن‏ ‏بعيدا‏ ‏عن‏ ‏المكان‏ ‏الذي‏ ‏نعده‏ ‏للتصوير‏ ‏ثم‏ ‏نضع‏ ‏شجرة‏ ‏الكريسماس‏ ‏التي‏ ‏زيناها‏ .. ‏تامر‏ ‏يصعد‏ ‏وقتها‏ ‏ليغير‏ ‏ملابسه‏ ‏فيرتدي‏ ‏بنطلون‏ ‏جينز‏ ‏وبلوفر‏ ‏أسود‏ ‏وكوفية‏.. ‏ويطلب‏ ‏رأينا‏ ‏فتجمع‏ ‏الآراء‏ ‏أن‏ ' ‏السويت‏ ‏شيرت‏ ' ‏الأول‏ ‏كان‏ ‏أفضل‏ ‏فيصعد‏ ‏مرة‏ ‏أخري‏ ‏لتبديله‏ ‏ويبدأ‏ ‏محمد‏ ‏عادل‏ ‏في‏ ‏التصوير‏.‏
ــ‏ ‏تحب‏ ‏أقف‏ ‏إزاي
ــ‏ ‏أحد‏ ‏القراء‏: ‏يا‏ ‏تامر‏ ‏إنت‏ ‏بطل‏ ‏الحركات‏!!‏




يتم‏ ‏نقل‏ ‏الشجرة‏ ‏لوضعها‏ ‏وسط‏ ‏المجموعة‏ ‏ويبدأ‏ ‏الاحتفال‏.. ‏نطفئ‏ ‏الأنوار‏ ‏ونغني‏ ‏مع‏ ‏تامر‏ ' ‏تليفوني‏ ‏رن‏ ' ‏ويتبادل‏ ‏القراء‏ ‏مع‏ ‏تامر‏ ‏قذف‏ ‏البلونات‏ ‏ورش‏ ' ‏الفوم‏ '.. ‏طبعا‏ ‏تامر‏ ‏كان‏ ‏هدف‏ ‏المجموعة‏ ‏كلها‏ ‏بينما‏ ‏حاول‏ ‏هو‏ ‏أن‏ ‏يدافع‏ ‏عن‏ ‏نفسه‏ ‏بإلقاء‏ ‏البالونات‏ ‏علي‏ ‏الجميع‏ ..‏
ــ‏ ‏ما‏ ‏أجمل‏ ‏وأسوأ‏ ‏ما‏ ‏في‏ 2007 ‏بالنسبة‏ ‏لك
ــ‏ ‏التكريم‏ ‏الذي‏ ‏وجدته‏ ‏من‏ ‏الناس‏ ‏فكانت‏ ‏سنة‏ ‏موفقة‏ ‏وربنا‏ ‏كرمني‏ ‏في‏ ‏ألبومي‏ ‏وفيلمي‏ ‏وأخذت‏ ‏جوائز‏ ‏عديدة‏ ‏أما‏ ‏الذكريات‏ ‏السيئة‏ ‏فهي‏ ‏قليلة‏ ‏وعابرة‏ ‏حتي‏ ‏لا‏ ‏أتذكرها‏.. ‏يمكن‏ ‏اللي‏ ‏كان‏ ‏وحش‏ ‏قوي‏ ‏حصل‏ ‏السنة‏ ‏الماضية‏.‏
ــ‏ ‏ما‏ ‏أمنيتك‏ ‏في‏ ‏السنة‏ ‏الجديدة
ــ‏ ‏إني‏ ‏أتزوج‏.. ‏أي‏ ‏بنت‏ ‏مصرية‏ ‏شرقية‏ ‏متربية‏ ‏كويس‏ ‏وتعرف‏ ‏ربنا‏ ‏وتعرف‏ ‏تصون‏ ‏الراجل‏ ‏اللي‏ ‏معاها‏ ‏وأحبها‏ ‏طبعا‏.‏
ــ‏ ‏كيف‏ ‏تختار‏ ‏كلمات‏ ‏أغنياتك
ــ‏ ‏الشطارة‏ ‏أنك‏ ‏تأتي‏ ‏بكلمة‏ ‏عادية‏ ‏وتضعها‏ ‏في‏ ‏أغنية‏ ‏مثل‏ ' ‏لما‏ ‏بكون‏ ‏بعيد‏ ‏بحضر‏ ‏كلام‏ ‏أقوله‏.. ‏ولما‏ ‏بتكون‏ ‏قريب‏ ‏بتنسيني‏ ‏اليوم‏ ‏بطوله‏' ‏ده‏ ‏كلام‏ ‏عادي‏ ‏أنا‏ ‏مش‏ ‏بخترع‏!!‏
ــ‏ ‏ولكن‏ ‏أغنية‏ ‏مثل‏ ' ‏اعتذري‏ ' ‏كان‏ ‏فيها‏ ‏إيحاءات‏ ' ‏مش‏ ‏تمام‏ '!!‏
ــ‏ ‏أنا‏ ‏عارف‏ ‏إن‏ ‏إيحاءاتها‏ ‏تخوف‏ ‏ولكن‏ ‏بصراحة‏ ‏أنا‏ ‏محطوط‏ ‏في‏ ‏منطقة‏ ‏من‏ ‏يعبر‏ ‏عن‏ ‏الشباب‏ ‏فأعبر‏ ‏عنهم‏ ‏في‏ ‏الحنية‏ ‏والعصبية‏!!‏



ــ‏ ‏هل‏ ‏صحيح‏ ‏أن‏ ‏ألبومك‏ ‏الديني‏ ‏الأخير‏ ‏لم‏ ‏يحقق‏ ‏أي‏ ‏مبيعات‏ ‏ولماذا‏ ‏أصدرت‏ ‏ألبوما‏ ‏من‏ ‏هذه‏ ‏النوعية
ــ‏ ‏بالعكس‏ ‏الشريط‏ ‏باع‏ ‏أكثر‏ ‏مما‏ ‏توقعنا‏ ‏ويكفي‏ ‏أنه‏ ‏كان‏ ‏بداية‏ ‏لنوعية‏ ‏جديدة‏.. ‏زمان‏ ‏عندما‏ ‏كنت‏ ‏أستمع‏ ‏لفنان‏ ‏يقول‏ ‏الفن‏ ‏رسالة‏ ‏كنت‏ ‏أضحك‏ ‏وأقول‏ ' ‏رسالة‏ ‏إيه‏ ‏وإحنا‏ ‏عمالين‏ ‏نحب‏ ‏علي‏ ‏نفسنا‏!! ' ‏لكن‏ ‏الآن‏ ‏فهمت‏ ‏المعني‏ ‏ورأيت‏ ‏أنني‏ ‏بدأت‏ ‏أؤدي‏ ‏رسالتي‏.‏
ــ‏ ‏إذن‏ ‏ما‏ ‏رأيك‏ ‏في‏ ‏موجة‏ ‏المطربين‏ ‏الجدد‏ ‏والعري‏ ‏الذي‏ ‏نجده‏ ‏في‏ ‏كليبات‏ ‏اليومين‏ ‏دول
ــ‏ ‏أنا‏ ‏مش‏ ‏ضد‏ ‏فكرة‏ ‏إن‏ ‏أي‏ ‏حد‏ ‏معاه‏ ‏قرشين‏ ‏يعمل‏ ‏أغنية‏ ' ‏لأ‏ ‏اعمل‏ ‏بدل‏ ‏ما‏ ‏تروح‏ ‏تصيع‏ ‏وتقعد‏ ‏ع‏ ‏القهاوي‏ ‏وتشرب‏ ‏مخدرات‏!!' ‏وهناك‏ ‏نجوم‏ ‏فعلا‏ ‏مبتعرفش‏ ‏تغني‏ ‏والجمهور‏ ‏عارف‏ ‏كده‏ ‏فياريت‏ ‏الشاب‏ ‏يطلع‏ ‏مطرب‏ ‏مبيعرفش‏ ‏يغني‏ ‏بس‏ ‏يكون‏ ‏ليه‏ ‏مجال‏ ‏ينجح‏ ‏فيه‏ ‏بدل‏ ‏ما‏ ‏ينحرف‏!! ‏لكن‏ ‏فكرة‏ ‏البنات‏ ‏إللي‏ ‏بيخرجوا‏ ‏بمظهر‏ ‏به‏ ‏عري‏ ‏فأنا‏ ‏ضدها‏ ‏تماما‏.. ‏أنا‏ ‏لما‏ ‏أراهم‏ ‏أقول‏: ‏لو‏ ‏البنت‏ ‏دي‏ ‏ليها‏ ‏أخ‏ ‏أو‏ ‏أب‏ ‏بيكون‏ ‏إحساسه‏ ‏إيه‏ ‏طيب‏ ‏لو‏ ‏قاعد‏ ‏مع‏ ‏أصحابه‏ ‏وكل‏ ‏واحد‏ ‏بيقول‏ ‏كلمة‏ ‏قليلة‏ ‏الأدب‏ ‏عليها؟‏! ‏فعلا‏ ‏حاجة‏ ‏تضايق‏.‏





تامر‏ ‏يعرض‏ ‏للقراء‏ ‏الجوائز‏ ‏التي‏ ‏حصل‏ ‏عليها‏.. ‏الدولاب‏ ‏صغير‏ ‏مكون‏ ‏من‏ ‏ثلاثة‏ ‏أرفف‏ ‏في‏ ‏الرف‏ ‏العلوي‏ ‏يوجد‏ ‏ثلاثة‏ ‏دروع‏ ‏مكتوب‏ ‏عليها‏ ‏أفضل‏ ‏مطرب‏ ‏في‏ 2007 ‏مهداة‏ ‏من‏ ‏مجلة‏ ' ‏دير‏ ‏جيست‏' ‏وفي‏ ‏المقابل‏ ‏يوجد‏ ‏دولاب‏ ‏آخر‏ ‏في‏ ‏نفس‏ ‏الحجم‏ ‏وبه‏ ‏جوائز‏ ‏من‏ ‏بعض‏ ‏المدارس‏ ‏كما‏ ‏يوجد‏ ‏به‏ ‏صور‏ ‏مرسومة‏ ‏لتامر‏ ...‏
ــ‏ ‏قرأنا‏ ‏لك‏ ‏تصريحا‏ ‏تقول‏ ‏فيه‏ ' ‏مين‏ ‏عمرو‏ ‏ده‏ ‏اللي‏ ‏يتقارن‏ ‏بيه‏!! '‏
ــ‏ ‏حد‏ ‏شافني‏ ‏بقول‏ ‏كده‏ ‏بأي‏ ‏منطق‏ ‏أقول‏ ‏كده‏ ‏طبعا‏ ‏غلط‏.. ‏عمرو‏ ‏كان‏ ‏نفسي‏ ‏أبقي‏ ‏ربعه‏ ‏ومينفعش‏ ‏أضعه‏ ‏كمنافس‏.. ‏كلما‏ ‏يأتي‏ ‏ذكر‏ ‏عمرو‏ ‏دياب‏ ‏أتذكر‏ ‏صورة‏ ‏له‏ ‏في‏ ‏مخيلتي‏ ‏لا‏ ‏تفارقني‏ ‏أبدا‏..‏
فبينما‏ ‏كنت‏ ‏في‏ ‏حفلة‏ ‏لعمرو‏ ‏في‏ ‏مارينا‏ ‏خليت‏ ‏أصحابي‏ ‏يحملونني‏ ‏كي‏ ‏أسلم‏ ‏عليه‏ ‏وبعدها‏ ‏حدفت‏ ‏نفسي‏ ‏علي‏ ‏الناس‏ ' ‏مش‏ ‏عايز‏ ‏حاجة‏ ‏من‏ ‏الدنيا‏ ‏بعد‏ ‏ما‏ ‏سلمت‏ ‏علي‏ ‏عمرو‏ ‏دياب‏ !! '‏
ــ‏ ‏طيب‏ ‏ومنير‏.. ‏ما‏ ‏إحساسك‏ ‏والجمهور‏ ‏يعطيك‏ ‏لقبه‏ ' ‏الكينج‏ ' ‏وأنت‏ ‏علي‏ ‏مسرحه
ــ‏ ‏الجمهور‏ ‏من‏ ‏حقة‏ ‏يقول‏ ‏أي‏ ‏شيء‏ ‏لكن‏ ‏مبدئيا‏ ‏أنا‏ ‏لا‏ ‏أحب‏ ‏الألقاب‏ ‏والملك‏ ‏ربنا‏ ‏وحده‏ ‏ولو‏ ‏حد‏ ‏ناداني‏ ‏أستاذ‏ ‏تامر‏ ‏أقول‏ ‏له‏ ' ‏يا‏ ‏أخي‏ ‏أنا‏ ‏بكره‏ ‏الكلمة‏ ‏دي‏ ' ‏وأكون‏ ‏في‏ ‏قمة‏ ‏فرحتي‏ ‏عندما‏ ‏أجد‏ ‏بوابا‏ ‏يقول‏ ‏لي‏ '‏يا‏ ‏تمور‏' ‏فهذا‏ ‏معناه‏ ‏أنه‏ ‏يراني‏ ‏مثل‏ ‏ابنه‏.. ‏أنا‏ ‏لسه‏ ‏صغير‏ ‏علي‏ ‏إني‏ ‏أكون‏ ‏كينج‏ ‏أو‏ ‏أسطورة‏ ‏ومحمد‏ ‏منير‏ ‏هو‏ ‏الكينج‏ ‏طبعا‏ ‏وعيب‏ ‏إني‏ ‏أقارن‏ ‏به‏.. ‏هو‏ ‏إحنا‏ ‏قد‏ ‏بعض‏ ‏يا‏ ‏نهار‏ ‏أزرق‏ ‏الواحد‏ ‏كان‏ ‏نفسه‏ ‏يتصور‏ ‏جنبه‏!!‏




تصل‏ ‏سندوتشات‏ ‏الشاورمة‏ ‏فنجتمع‏ ‏للأكل‏ ‏ثم‏ ‏يطلب‏ ‏القراء‏ ‏من‏ ‏تامر‏ ‏أن‏ ‏يغني‏ ‏لهم‏.. ‏ما‏ ‏إن‏ ‏بدأ‏ ‏تامر‏ ‏في‏ ‏العزف‏ ‏علي‏ ‏الجيتار‏ ‏والغناء‏ ‏حتي‏ ‏نسي‏ ‏الكل‏ ‏السندوتشات‏ ‏واقتربوا‏ ‏منه‏ ‏في‏ ‏نصف‏ ‏دائرة‏ ‏واندمجوا‏ ‏معه‏ ‏في‏ ‏غناء‏ ‏اغنية‏ ‏مش‏ ‏عارف‏ ‏أتغير‏..‏
‏( ‏تصفيق‏ ‏جماعي‏ )‏
ينتهي‏ ‏اللقاء‏ ‏ويصر‏ ‏تامر‏ ‏علي‏ ‏أن‏ ‏يصطحب‏ ‏المجموعة‏ ‏إلي‏ ‏الخارج



أمام‏ ‏الفيلا‏ ‏بينما‏ ‏تطلب‏ ‏المجموعة‏ ‏أن‏ ‏تشاهد‏ ‏سيارة‏ ‏تامر‏ ‏وتركبها‏..‏
ــ‏ ‏أول‏ ‏سيارة‏ ‏ركبتها‏ ‏كانت‏ ‏سيارة‏ ‏والدي‏ ‏فيات‏ 125 ‏وتعلمت‏ ‏عليها‏ ‏السواقة‏.. ‏أما‏ ‏أول‏ ‏سيارة‏ ‏اشتريتها‏ ‏فكانت‏ ‏ريتمو‏ ‏وبعدها‏ ‏غيرت‏ ‏حتي‏ ‏وصلت‏ ‏للهامر‏ ‏وهي‏ ‏علي‏ ‏فكرة‏ ‏أرخص‏ ‏من‏ ‏سيارتي‏ ‏اللي‏ ‏قبلها‏ ‏وكانت‏ ‏بي‏ ‏ام‏ ‏دبليو‏ ‏واشتريتها‏ ‏بحر‏ ‏مالي‏ ‏لأني‏ ‏لا‏ ‏أقبل‏ ‏هدايا‏ ‏من‏ ‏أحد‏.. ‏وقد‏ ‏اخترت‏ ‏هذا‏ ‏النوع‏ ‏لأني‏ ‏كل‏ ‏ما‏ ‏أركب‏ ‏عربية‏ ‏أخبط‏ ‏في‏ ‏المطبات‏!! ‏فحبيت‏ ‏أسوق‏ ‏سيارة‏ ‏عالية‏.‏
ــ‏ ‏بتسوق‏ ‏بنفسك‏ ‏ولا‏ ‏عندك‏ ‏سواق
ــ‏ ‏لا‏ ‏أبدا‏ ‏أنا‏ ‏بسوق‏ ‏بنفسي‏ ‏ومعنديش‏ ‏ولا‏ ‏بودي‏ ‏جارد‏ ‏ولا‏ ‏حاجة‏.. ‏أديكم‏ ‏جيتم‏ ‏علي‏ ‏غفلة‏ ‏وشفتوني‏ ‏أنا‏ ‏أبسط‏ ‏مما‏ ‏تتخيلوا‏!‏
ينتهي‏ ‏اللقاء‏ ‏في‏ ‏تمام‏ ‏الثانية‏ ‏عشرة‏ ‏وثماني‏ ‏دقائق‏ .. ‏وبعد‏ ‏ربع‏ ‏ساعة‏ ‏تليفوني‏ ‏يرن‏ :‏
ــ‏ ‏شريف‏.. ‏الناس‏ ‏انبسطت‏ ‏بجد‏.. ‏ياريت‏ ‏تسألهم‏ ‏أنا‏ ‏عايز‏ ‏أطمن‏..‏
أفتح‏ ‏الاسبيكر‏ ‏ويقول‏ ‏القراء‏ ‏في‏ ‏نفس‏ ‏واحد‏..‏
ــ‏ ‏إحنا‏ ‏فرحانين‏ ‏قوي‏ ‏يا‏ ‏تاااااااااااااااااااااااااااااااااامر‏..‏